"Xocalı Rayon Mərkəzi Xəstəxanası" publik hüquqi şəxsin kollektivi Bərdə şəhərinin Şəhidlər Xiyabanında dəfn edilmiş Azərbaycan Silahlı Qüvvələrinin müddətdən artıq həqiqi hərbi xidmət qulluqçusu Nəsirov Xəqani Kamran oğlunun, Bərdə rayonu Şirvanlı kənd qəbiristanlığında dəfn edilmiş Dövlət Sərhəd xidmətinin kəşfiyyatçı giziri Ramazanlı Əlizamin Umud oğlunun, Ağcabədi rayon Sarıcalı kənd qəbiristanlığında dəfn edilmiş kəşfiyyatçı Mustafazadə Ceyhun Şükür oğlunun, Ağcabədi şəhər Şəhidlər Xiyabanında dəfn edilmiş Ordumuzunun əks-kəşfiyyat bölüyünün müddətdən artıq həqiqi hərbi xidmət qulluqçusu Miriyev Sənan Arif oğlunun məzarlarını ziyarət edərək, şəhidlərimizin ruhuna dərin ehtiram əlaməti olaraq gül dəstələri düzdülər. Şəhidlərimizin ruhuna dualar oxudular.  "Xocalı Rayon Mərkəzi Xəstəxanası" publik hüquqi şəxsin
direktoru Aqil Məmmədov və digər natiqlər şəhid ailələri ilə söhbət zamanı
bildirdilər ki, torpaqlarımızın ərazi bütövlüyü uğrunda canlarını fəda etmiş
şəhidlərimizi xalqımız heç bir zaman unutmayacaq. Şəhidlərimiz canı və qanı
hesabına illərdir həsrətində olduğumuz torpaqlarımız düşmən tapdağından azad
etdilər. Şəhid ailələrinə mənəvi dəstək olmaq hər birimizin borcudur. 44 günlük haqq savaşımızda əldə etdiyimiz şanlı qələbədən danışan natiqlər vurğladılar ki, Vətən müharibəsində xalqımızın hər bir zümrəsi birlik nümayiş etdirərək ordumuza dəstək oldular. Şükürlər olsun ki, ordumuz 44 gün müddətində 30 il düşmən işğalı altında torpaqlarımızı azad etdi.